في يوم كنت مخنوق من المذكرةوماما قعدة تزعق لي عشان اذاكر وساعات تسيسني ذاكر يايوسف واوقات تانيه تقعد تزعق وتشيل الكيبورد والماوس وتشيل فيش التلفزيون تخيلوا في كدة في الدنيا وكل دة عشان المذاكرة ربنا يحرق الي اخترع المذكرة
فرحت اسال أختي مين الي اخترع المذكرة؟نفسي اقفش امه يعني لو ذكرت ايه الي هيجره
وموال كل يوم الصبح المدرسة ماما تقولي اصحى
اقولها 5دقايق وهأوم الخمس دقايق بيجيبوا عشر دقايق ربع ساعة
وطبعا بتأخر على الأتوبيس وبفضل اجري وراه بلاقي نفسي
اودام الهم التقيل(المدرسة)وطبعا ببقى متأخر ومش طايق نفسي
وببقى عايز اروح وعشر حصص تعبان والموال ده بيتكرر
كل يوم وساعات بلحق الأتوبيس والغالب مش بلحق
وبحب اغيب لأن مش بحب اصحى بدري واما بغيب
برده بزاكر وكل يوم دروس مش بحب قصة العربي انا مالي ومال علي مبارك
واما ماما بتقلي ذاكر بفتح كتاب العلوم عشان بحب العلوم ومذاكرها ألف مرة فتقوم تشكر فيا وتقول لبابا يوسف بيذاكروالرياضة ورخمتها والأستاذ العبقري احمد حسن والدراسات وتواريخهاياسلام لوكان خلوا الواحد يختار المواد الي بيحب يذاكرها تبقى المدرسه جميله جدا والماده الي كنت هخترها طبعا الألعاب عشان العقل السليم في الجسم السليم
ويا سلام على يوم الخميس
بلعب كوره من الساعه5لي11
ويوم الجمعة بلاقي الساعة10 بليل
على روتانا فيلم جديد
وطبعا بتفرج عليه
وبصحى يوم السبت أذاكر
وبحضر نفسي للهم التقيل ونفس الموال بيتكرر